Úrvalslið karla - fyrsta umferð.

Hjá körlunum var valið svo:

Besti markvörður: Hlynur Morthens, Val
Línumaður: Atli Ævar Ingólfsson, HK
Vinstra horn: Freyr Brynjarsson, Haukum
Hægra horn: Arnór Þór Gunnarsson, Val
Vinstri skytta: Sigurbergur Sveinsson, Haukum
Hægri skytta: Ólafur Guðmundsson, FH
Miðjumaður: Jónatan Þór Magnússon, Akureyri
Besti leikmaður:  Ólafur Guðmundsson, FH
Þjálfari: Aron Kristjánsson, Haukum

Dómarar: Gísli Jóhansson og Hafsteinn Ingibergsson

Besta umgjörð:  Akureyri handboltafélag

EM hópurinn

Guðmundur Þórður Guðmundsson, landsliðsþjálfari í handknattleik karla, hefur tilkynnt mótshöldurum Evrópumeistaramótsins í Austurríki um val á 28 manna hópi handknattleiksmanna fyrir mótið sem fram fer 19. - 31. janúar. Úr þessum hópi verða síðan valinn fámennari hópur til þess að taka þátt á EM, að minnsta kosti 16.

Í næstu viku verður að öllum líkindum tilkynnt á val á um 20 manna æfingahópi fyrir EM sem kemur saman til æfinga 4. janúar. Guðmundur verður síðan að velja 16 leikmenn áður en keppni hefst 19. janúar. Hann getur síðan bætt við tveimur leikmönnum til viðbótar ef íslenska liðið kemst í milliriðla og hugsanlega kallað einn til viðbótar komist liðið ennþá lengra, þ.e. í undanúrslit. Ekki má kalla á neinn handknattleiksmann utan þessa 28 manna hóps, sem nú hefur verið birtur á heimsíðu Evrópumótsins, til þess að taka þátt í mótinu

Markverðir:
Björgvin Páll Gústavsson, Kadetten
Birkir Ívar Guðmundsson, Haukum
Hreiðar Levy Guðmundsson, TV Emsdetten
Ólafur Haukur Gíslason, Haugaland
Aðrir leikmenn:
Vignir Svavarsson, Lemgo
Logi Geirsson, Lemgo
Bjarni Fritzson, FH
Ásgeir Örn Hallgrímsson, GOG Gudme
Arnór Atlason, FCK
Hannes Jón Jónsson, TSV Burgdorf
Guðjón Valur Sigurðsson, Rhein-Neckar Löwen
Snorri Steinn Guðjónsson, Rhein-Neckar Löwen
Ólafur Stefánsson, Rhein-Neckar Löwen
Heiðmar Felixson, N-Lübbecke
Alexander Petersson, Flensburg-Handewitt
Sverre Jakobsson, Grosswallstadt
Róbert Gunnarsson, Gummersbach
Ingimundur Ingimundarson, GWD Minden
Sturla Ásgeirsson, HSG Düsseldorf
Ragnar Óskarsson, Dunkerque
Þórir Ólafsson, N-Lübbecke
Rúnar Kárason, Füchse Berlin
Aron Pálmarsson, THW Kiel
Kári Kristján Kristjánsson, Amicitia Zürich
Sigurbergur Sveinsson, Haukum
Gunnar Berg Viktorsson, Haukum
Einar Ingi Hrafnsson, Nordhorn
Ólafur Guðmundsson, FH.

Ekki hægt að segja nei við Rhein-Neckar Löwen

Væntanlega verða fjórir íslenskir landsliðsmenn í þýska stórliðinu Rhein-Neckar Löwen á næstu leiktíð. Fyrir hjá félaginu eru þeir Guðjón Valur Sigurðsson, Ólafur Stefánsson og Snorri Steinn Guðjónsson og nú hefur Róbert Gunnarsson samið við liðið.

„Þetta mál kom skjótt upp á og það var gengið frekar hratt frá þessu. Ég hugsaði mig auðvitað aðeins um en þegar eitt af þremur stóru félögunum hefur samband er eiginlega ekki hægt að segja nei. Maður er bara afar stoltur að svona lið vilji fá mann í sínar raðir," segir Róbert kátur en hann segir tilboð Löwen hafa komið á frábærum tíma fyrir sig.

„Það er talsverð óvissa hjá Gummersbach. Það er mikil pólitík í gangi hjá stjórninni og svo eru einnig fjárhagsvandræði hjá félaginu. Ég hefði því í raun ekki getað hugsað mér betri tíma til þess að fara héðan," segir Róbert en hann er að leika sitt fimmta tímabil með Gummersbach.

„Annað sem er mjög ánægjulegt við að komast í þetta lið er að þetta er skandinavískt lið. Mig langaði alltaf að komast aftur í skandinavískt lið," segir Róbert, sem ætlar sér stóra hluti hjá félaginu.

„Ég hef metnað til þess að stefna hátt og þarna er möguleiki að ná mjög langt og vinna titla. Þetta er stórt félag með frábæra umgjörð. Ég mun svo deila stöðunni með öðrum línumanni og það er önnur áskorun fyrir mig.

Ég mun þurfa að hafa vel fyrir þessu og það er mjög gott," segir Róbert, sem hefur verið einn um línustöðuna hjá Gummersbach og þurft að spila 60 mínútur í hverjum leik. Hjá Löwen mun hann etja kappi við hinn öfluga Bjarte Myrhol um sæti í byrjunarliðinu.
Róbert var í viðræðum við Lemgo þegar áhugi Löwen kom upp á borðið.

„Ég bý í Köln og er orðinn vanur stórborgarlífi. Ég var því ekkert sérstaklega spenntur fyrir því að flytja til Lemgo, sem er nú ekkert sérstaklega spennandi staður þó svo að liðið sé gott," segir Róbert en hann þarf ekki að hafa áhyggjur af einhverri sveitastemningu hjá Löwen sem spilar í Mannheim.

Þó svo að Róbert hafi verið með samning við Gummersbach var hann með klásúlu sem leyfir honum að komast frítt frá félaginu. Hann segist þó ekki hækka mikið í launum.

„Launahliðin er aðeins betri en það er enginn stjarnfræðilegur munur. Ég var ekki að skipta um félag út af peningum. Löwen er bara stærra félag með betri umgjörð og allt annað. Það var ekki hægt að segja nei við félagið,"

HK sigraði Hauka

Síðasti leikur N1 deildarinnar fyrir jól fór fram í gærkvöldi þegar HK tók á móti Haukum.

Fyrirfram var búist við sigri Íslandsmeistaranna, sem fyrir leik voru enn taplausir. Snemma leiks náðu HK-menn hins vegar góðum tökum á leiknum og náðu góðu forskoti á gestina 8 - 3. Haukamenn áttu engin svör við leik heimamanna og þegar flautað var til hálfleiks var staðan 12 - 6 fyrr HK.

Þeir sem bjuggust við Haukamönnum dýrvitlausum til leiks í seinni hálfleik höfðu aldeilis rangt fyrir sér því HK-menn bættu bara forystu sína. Áður en langt var um liðið var staðan orðin 16 - 7 og deginum ljósara hvort liðið myndi fara með sigur af hólmi. Haukar reyndu að vinna sig inn í leikinn með að taka tvo HK-menn úr umferð, en allt kom fyrir ekki. Leiknum lauk með sigri heimamanna 26 - 19.

Hjá HK var Valdimar Fannar Þórsson og Atli Ævar Ingólfsson atkvæðamestir með 6 mörk og þá átti einnig Sveinbjörn Pétursson stórleik í markinu og varði 22 skot. Erfitt er að finna jákvæðan punkt hjá Haukum, en markahæstu menn liðsins skoruðu 3 mörk.